نظره من عنيك لعينيا

اذهب الى الأسفل

نظره من عنيك لعينيا

مُساهمة  alf lila we lila في الأربعاء يوليو 23, 2008 5:11 pm

يوم ما اتقابلنا كنت انسان عادى
وكان كل شىء فى الدنيا عادى
وفجاة الدنيا بقت جميلة
وسنين الفرح شفتها طويلة
واتعجبت واستغربت ايه اللى حصل!!!
وليه الحزن اللى جوايا انكسر؟؟؟
لقيت ده كله بسبب


نظره من عنيك لعينيا

يوم ما اتعاهدنا ان الحب حيفضل ما بينا
وان الحزن عمره ما يجيلنا
وسرحنا وحلمنا
والدنيا فى عيونا بقت بساتين
والحب اللى جوانا بقى كتب و دواوين
وسقيت الورد اللى فى قلبك بايديا
يوومها عرفت ان الدنيا ما تساوى

نظره من عنيك لعينيا

يوم ما اختلفنا كان نفسى اشوفك
او حتى يزورنى طيفك
احكيله و يسمعنى
اشكيله و يفهمنى
ومات الحب اللى بينا
وشيعنا جثمانه فى قلوبنا
ومن الحزن اللى حوليا
اتمنيت بس


نظره من عنيك لعينيا

يوم ما افترقنا و الفرح ودعنا
والذكرى بقت توجعنا
ومشيت لوحدك ومشيت لوحدى
لا قدرت ارجعلك و لا قدرت ترجعلى
و الدموع ملت عنينا
والورد اللى فى قلوبنا بقى شوك فى ايدينا
لكن برجع و اقولك انى ممكن انسى
والقلب اللى حبك عمره ما يقسى
وانى ممكن انقذ قلوبنا اللى ماتت
و ارجع الحب مهما السنين فاتت
وانى حفضل ديما مستنيه

نظره من عنيك لعينيا
*************************
Dr. Walaa Salah
******




alf lila we lila

انثى عدد الرسائل : 7
العمر : 26
تاريخ التسجيل : 21/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى